Slo ned som ei bombe i Høgre-leiren

Ein alvorstynga gjeng på Høgres valvake.

Ein alvorstynga gjeng på Høgres valvake.

DEL

Supertilbod: 5 kr for alt innhald på nett i 5 veker

Opptellinga av førehandsstemmene slo ned som ei bombe på Høgres valvake heime hos sittande ordførar Bengt Solheim-Olsen.

Ifølge førehandsstemmene var Høgre og Samlingslista like store, med høvesvis 17,7 og 17,5 prosent.

- Mykje kunne vore gjort annleis viss vi ikkje hadde vore så forbanna danna i Høgre. Det har vore mange drittpakkar frå fleire hald, Jacob Nødseth og sentrale Ap-folk. Vi har satsa strategisk på å ikkje ta tilbake. Det har vore eit feilgrep. Folk har tydelegvis trudd på skitkastinga.

- Er du ordførar i neste periode?

- Nei, det trur eg ikkje.

Så lysna det litt

Ein time seinare er nesten alle stemmene i Florø talde opp. 35 prosent til Ap, drygt 20 til Høgre, 14 til Samlingslista.

Då fer det eit forsiktig smil over ansiktet til ordføraren.

- Det begynner å komme seg no, seier han.

Den førebelse opptellinga viser at Høgre og Samlingslista i lag er omtrent like store som Ap. Ap har rett nok ein mindre representant.

- Vi forhandlar ikkje med Jacob Nødseth, seier Solheim-Olsen og legg den ballen død.

- Ingen av dei tradisjonelle konstellasjonane har fleirtal. Det blir naudsynt å tenke utanfor boksen, slår han fast.

- Ikkje ute av spel

Hanne Eva Husebø Kristensen er også skuffa over resultatet.

- Men vi har hatt, og har, fokus på å drive Flora framover.

- Korleis kan du seie det? Høgre er ikkje eingong i posisjon til å forhandle om varaordføraren.

- Det skal du ikkje seie. Vi har tradisjon for å samarbeide med Venstre, KrF og Frp. I lag er vi like store som Ap, seier Husebø Kristensen og slår fast at Høgre ikkje er sett på sidelinja.

Artikkeltags