«Solgangsfunk og buskspel» var namnet på festivalen eldsjelene i Svanøy Folkeakademi tromma saman på seinsommaren i 2019. Det fekk dei mykje skryt for, og det meste var til og med fortent. No er dei klare for å tromme saman ein ny festivalhelg, og for å spreie det glade bodskap inviterte dei like godt seg sjølv inn i podcaststudioet til Firdaposten.

Det er elles noko vi oppmodar alle som har noko på hjartet om å gjere.

I Podcasten snakkar Yrla Klein og Halvard Lunde litt om korleis det var å vinne pris som årets folkeakademi. Litt om tidlegare prosjekt. Litt om prosjekt som skal skje allereie kommande helg, og sjølvsagt litt om «Solgangsfunk og buskspel». Her er billettsalet allereie i full gang, og er du rask kan du sikre deg early bird-billettar.

Du finn podcasten dei fleste plassar der podcastar samlast, men du kan også høyre den akkurat her: