– Notodden kan ha følt falsk tryggleik etter seriestarten

Florøs trener Terje Andre Rognsø har et enkelt utgangspunkt før kampen mot Notodden.

Florøs trener Terje Andre Rognsø har et enkelt utgangspunkt før kampen mot Notodden. Foto:

Av

Florø-trenar Terje Rognsø har knapt hatt eit enklare utgangspunkt før ein fotballkamp enn det han har før søndagens oppgjer mot Notodden.

DEL

-Det er ein skjebnekamp for oss. Utan tre poeng rykker vi ned. Vi må vinne på Notodden, seier han til Telen.

Kampbildet avgjer

Han synest det er vanskeleg å sjå føre seg kva slags kamp publikum vil få sjå.

-Begge må jo eigentleg vinne. Vi for å ha håp om å berge plassen, NFK for å ha håp om å redde plassen utan å spele kvalifisering. Vi må vinne enda meir enn Notodden og det kan jo prege kampbildet, meiner Florø-trenaren, som ikkje er overraska over at de to laga møtes til skjebnekamp når to serierundar står att.

-Eg trur begge klubbar var førebudd på dette då sesongen starta, men undervegs har kanskje Notodden følt ein falsk tryggleik på grunn av den gode seriestarten dei hadde. Dei kan ha følt at dette gjekk litt av seg sjølv, meiner trenaren, som sjølv mista eit uhyre viktig poeng då Åsane vann 2–1 i Florø sist søndag etter sigersmål på overtid.

-Det tok tid å få den kampen ut av spelargruppa. Vi gjorde det ikkje noko lettare for oss sjølv ved å sleppe inn det målet, erkjenner han.

Hatt mykje skader

Rognsø vil ikkje si at skader på sentrale spelarar er årsaka til at dei ligg der dei ligg, men at det er noko av forklaringa er han sikker på. I tillegg mista han toppscorar Endre Kupen til Bodø Glimt i forkant av sesongen. I fjor kom Florø på åttandeplass i si første sesong i OBOS-ligaen.

-Enkelte spelarar er viktigare enn andre og vi held ikkje til i ein geografisk del av landet der vi kan låne inn spelarar – slik Strømmen har gjort i haust. Vi må finne spelarar der andre ikkje leitar – og vi må satse lokalt. I år har vi ikkje vore like gode til å finne spelarar i lågare divisjonar og då får vi utfordringar. Vi rykka ikkje opp i 2016 på grunn av pengar, men vi hadde håpa å vekse litt etter opprykket. Men vi har ikkje gitt opp og reiser til Notodden for å vinne.

Håper på Mjøndalen

Samtidig som Florø spelar skjebnekamp på Notodden møtes Mjøndalen og Viking i Mjøndalen. Der håper og trur Rognsø på heimesiger. Det betyr at Mjøndalen vil vere klare for Eliteserien før den siste serierunden – der bruntrøyene skal på Florø-besøk.

-Vinn vi på Notodden vil det vere ein klar fordel å møte Mjøndalen om dei er klare for Eliteserien. Eg trur Mjøndalen og Aalesund går opp.

-Noko som har overraska deg i årets OBOS-liga?

-Eg hadde trudd at nivået på dei beste laga ville vore høgare. Dessutan er eg positivt overraska over Nest Sotra. Etter innleiinga Notodden hadde på sesongen har kanskje dei skuffa utover i sesongen.

 

Artikkeltags