Her får Andrine (10) prøve balansen på trialsykkel: – Du må vere som apekatt. Heilt laus i ledda.

    Proffsyklist i verdsklasse, Eirik Ulltang var laurdag i Florø for å ha sykkelshow.

    DEL

    Under båtmessa Flo & Fjære vart Den store sykkeldagen arrangert på torget. Dit hadde proffsyklist i biketrial, Eirik Ulltang, reist for å vise fram sporten sin. Etter showet fekk Andrine Steindal (10) frå Flora Cykleklubb prøvd seg.

    – Du må vere som ein apekatt. Heilt laus i ledda og berre følge etter med rørslene. Sjølv om sykkelen går til venstre skal du halde deg i ro. Mjuke ledd, forklarar han tolmodig medan Andrine prøver å unngå å velte.

    Så lett som det kan sjå ut når Ulltang sjølv hoppar gjennom løypa er det ikkje.

    – Eg har trass alt sykla i 18 år. Det tek tid å lære seg teknikken, forklarer han.

    Andrine Steindal (10) frå Flora Cykleklubb testa trialsykkel med proffsykling Eirik Ulltang.

    Andrine Steindal (10) frå Flora Cykleklubb testa trialsykkel med proffsykling Eirik Ulltang. Foto:

    Den store sykkeldagen er det Flora Cykleklubb som står bak. Sykkelklubben med kring 100 medlem driv i hovudsak med landevegssykling.

    – Vi har henta Ulltang hit i dag fordi trialsykling er litt annleis og det er underhaldande å sjå. Dessutan er det viktig for oss å vise fram breidda i idretten vår, seier leiar Jens Petter Kjelsnes.

    Per i dag er det ingen i klubben som driv med trialsykling, men Kjelsnes utelukkar ikkje at det kan komme i framtida.

    – Kjem det ungdommar og unge til oss som vil starte, er vi heilt opne for det, seier han.

    Artikkeltags