Oljelisensar får SV til å rase: – Dette er galskap

SV-representant Lars Haltbrekken reagerer kraftig på tildelingane av nye boreløyve på norsk sokkel.

– Dette er galskap, seier Haltbrekken om at Olje- og energidepartementet har tildelt 53 nye utvinningsløyve i konsesjonsrunden TFO 2021.

Haltbrekken reagerer særleg på lisensane på Mørebankane og i Barentshavet.

– Dette viser at snakket til regjeringa om å verne sårbare område mot oljeboring, er nettopp det – berre snakk, seier Haltbrekken.

Han meiner tildelingane viser at det var rett av SV å stå utanfor regjering.

– Oljetørsten i denne regjeringa kjenner ingen grenser.

(©NPK)