Coop Vest selde for 1,8 milliardar
MILLIARDSAL: Geir Espe, adm.dir. i Coop Vest kan sjå tilbake på eit solid 2017. Foto: Sigurd Løseth (arkiv)
Coop Vest held fram med å fornye butikkane, spesielt i regionsentera. Det er kostbart, men viktig for å ta ein større del av marknaden.
Det skriv styret i årsmeldinga for 2017 som nyleg er levert til Brønnøysundregistera.
Coop Vest SA har 56.000 medlemmer i Sogn og Fjordane og på Sunnmøre, som også er eigarar gjennom eit samvirkeføretak (SA). Coop Vest driv 65 butikkar i 28 kommunar.
Dei siste åra har dei satsa stort på nye butikkar i regionsentera, seinast i Dale der ein Extra-butikk opna i november i fjor. Dette er ein strategi som skal halde fram.
Omsetnaden auka frå 1,786 milliardar kroner i 2016 til 1,859 milliardar i 2017. Overskotet (etter skatt) var 18,9 millionar kroner i fjor, ein knapp million svakare enn året før.
Eigenkapitalen var på solide 41,9 prosent av totalkapitalen ved utgangen av 2017.
– I ein situasjon med framleis stor investeringsaktivitet er styret nøgd med at ein klarer å styrke ein allereie god eigenkapital, skriv styret i årsmeldinga.
Coop Vest kan komme til å slå seg saman med Coop Orkla Møre
Inngår samarbeid og legg store planar for Domus-tomta i Førde