I juni 2019 vedtok Flora bystyre å bygge ny kommunal barnehage i Florø sentrum. Barnehagen skal ligge på kommunen si tomt, der Nepjarhaugen barnehage ligg i dag, og den skal erstatte tre av dagens kommunale barnehagar; Nepjarhaugen, Nyheimvegen og Dalvegen.
Opphavleg var planen å starte bygginga same år, men ulike moment har forseinka prosjektet. No er arbeidet i gang, i samarbeid med ekstern konsulent- og arkitekthjelp.
– I førre veke hadde vi oppstartsmøte med Sweco og Arki, som vi har engasjert til å hjelpe oss med å lage ein prosjektbeskriving og eit anbodsgrunnlag for den nye barnehagen.
Det opplyser Vidar Vårdal, tenesteleiar for bygg og anlegg i Kinn kommune.
– Arbeidet med barnehageanbodet starta i sommar, og vi har ein ambisiøs framdriftsplan. Men det blir nok ikkje byggestart i år, seier Vårdal.
Sannsynlegvis blir det heller ikkje kontraktstildeling før over nyttår.
– Vi vil nok bruke mykje av dette halvåret til planlegging, seier han til Firdaposten.
Ein av årsakene til at det har hasta med ein ny barnehage, er Arbeidstilsynet sine pålegg i Nyheimvegen barnehage. Barnehagen har vore driven på dispensasjon sidan 2011, og Arbeidstilsynet hadde i utgangspunktet sett foten ned for drift etter 1. august. 2020.
Unngår dagbøter
Dei driv barnehage på lånt tid
_1.jpg?chk=C23FA1)
Kommentarer til denne saken