Gå til sidens hovedinnhold

Nav klarar ikkje å betale ut krisepengar

Artikkelen er over 1 år gammel

Sidan torsdag har 54.000 permitterte søkt Nav om krisestøtte, men etaten klarer ikkje å betale ut pengane som krisepakken frå Stortinget legg opp til.

Tysdag melde Nav at 84.000 fleire er blitt registrert som heilt arbeidsledige sidan tysdag veka før, ei auke på 128 prosent. Årsaka var permitteringane som følge av utbrotet av koronaviruset.

Dagen før vedtok Stortinget at Nav skal utbetale full lønn til permitterte frå dag 2 til dag 20. Til vanleg er det arbeidsgivar som har ansvaret for det fram til dag 15. Deretter betaler staten ut dagpengar, som utgjer 62,4 prosent av løna, skriv Klassekampen.

– Dette har vore ein unntakssituasjon som vi nesten ikkje har vore borti før, og heile prosessen har gått veldig fort. Vi har ikkje vore kjende med Stortingets tiltakspakke og forslaga som kom i sin heilskap før no, seier beredskapsdirektør Yngvar Åsholt i Nav til avisa.

Han seier etaten jobbar på spreng for å finne ut korleis i IT-systema kan endrast for å tilpassase seg utbetalingane det blir lagt opp til i krisepakka.

(©NTB)

Kommentarer til denne saken