Vann Skjærgårdsrittet

MIKAEL JOHANSEN29 ÅR, FRÅ FLORA CYKLEKLUBB, HAR FULLFØRT "DEN STORE STYRKEPRØVEN", SYKKELLØP PÅ 540 KILOMETER, FRÅ TRONDHEIM TIL OSLO.

MIKAEL JOHANSEN29 ÅR, FRÅ FLORA CYKLEKLUBB, HAR FULLFØRT "DEN STORE STYRKEPRØVEN", SYKKELLØP PÅ 540 KILOMETER, FRÅ TRONDHEIM TIL OSLO. Foto:

Av
Artikkelen er over 12 år gammel

BERGEN: Mikael Johansen frå FCK vann i pinsa Skjærgårdsrittet i Bergen med kring 450 i konkurranseklassen.

DEL

Sigeren delte han med ein Fana-ryttar.

- Det var heilt i orden. For vi hjelpte kvarandre inn til siger dei siste to mila, seier Johansen.

Skjærgårdsrittet er 65km langt. Det startar i Bergen sentrum og går ut til Hellesøy.

I brot

Syklisten frå Flora Cykleklubb var med fire mann i eit brot tidleg. Desse klarte å halde stand til hovudfeltet i vel ein time før dei vart innhenta. Ikkje lenge etter klarte Johansen å stikke av garde igjen i lag med ein Fana-ryttar. Desse låg i eit par mil berre 15-20 sekund føre hovudfeltet, men klarte å halde stand. I mål skilde det berre 12 sekund.

- Det var ganske heftig og tidenes adrenalinkick. Noko slikt skal eigentleg ikkje gå, men samarbeidet fungerte fantastisk godt, seier han.

Veksla

Dei to ryttarane veksla kontinuerleg på å halde farten oppe, og skifte kvart 15.-20. sekund på å dra.

- Det var artig. Rett og slett, seier Johansen.

I same rittet var det fleire stygge velt, og det er desse ulykkene som har fått mest merksemd av bergensavisene. Med alle mosjonistane var det kring 600 deltakarar med på Skjærgårdsrittet.

Artikkeltags