Til Shetland med utstilling

Haugefisk

Haugefisk

Artikkelen er over 9 år gammel

MS Haugefisk og representantar frå Kystmuseet skal til Shetland og delta med utstilling på sommarfestival.

DEL

Måndag morgon kastar MS Haugefisk loss frå kai i Florø, med kurs for Shetland.

- Vi skal delta på sommarfestivalen Johnsmas Foy i Lerwick frå 24. til 28. juni. Med oss har vi ei utstilling om pigghåfisket ved Shetland, kalla "Longlining for dogfish", og ein presentasjon av Kystmuseet, fortel konservator Bjørn Fjellheim.

- Vi blir 14 deltakarar på den vekeslange turen, fire frå museet, resten frå miljøet rundt Haugefisk i Bremanger, fortel han.

Utstillinga blei montert i seksjonar på Kystmuseet fredag føremiddag.

Den 105 fot lange MS Haugefisk er ein førstegenerasjons shelterdekka autolinebåt som er kondemnert og verna av Kystmuseet.

- Meir info finn ein på våre heimesider www.kyst.museum.no . Desse nettsidene vil vi oppdatere dagleg i neste veke med foto og annan informasjon frå festivalen, fortel Fjellheim.

Artikkeltags