- Overbevist om at Redningsselskapet framleis satsar i fylket

Fylkesordførar Jenny Følling er overtydd om at Redningsselskapet framleis vil satse på Sogn og Fjordane. Til høyre generalsekretær Rikke Lind.

Fylkesordførar Jenny Følling er overtydd om at Redningsselskapet framleis vil satse på Sogn og Fjordane. Til høyre generalsekretær Rikke Lind. Foto:

Artikkelen er over 5 år gammel

Redningsselskapet møtte torsdag fylkesordførar Jenny Følling (Sp) i spissen for ordførerdelegasjonen frå fylket.

DEL

Bakgrunnen for møtet er sterke reaksjonar på at Redningsselskapet flyttar eit årsverk frå Florø til Bergen i samband med at selskapet ønsker å styrke regionane over heile landet. Det skriv Redningsselskapet i ei pressemelding.

LES OGSÅ: Redningsselskapet forlet Sogn og Fjordane

LES OGSÅ: – Ein hån mot dei frivillige

LESOGSÅ: Legg ned strikkepinnane for Redningsselskapet

– Vi har hatt eit godt og konstruktivt møte med representantane frå Sogn og Fjordane, der vi har lytta til kvarandre og saman sett på våre framtidsplanar for Redningsselskapet i Sogn og Fjordane, seier generalsekretær i Redningsselskapet, Rikke Lind i pressemeldinga.

Til stades på møtet var Fylkesordfører Jenny Følling, ordførar i Flora Ola Teigen, ordførar i Vågsøy Kristin Maurstad, ordførar i Askvoll Frida Melvær og varaordførar Marius Strømmen i Bremanger kommune. I tillegg deltok Nils Myklebust fra Sogn og Fjordane Fiskarlag.

Lind fortel at Redningsselskapet er ein organisasjon som kvar dag jobbar for å auke beredskapen langs kysten og legge til rette for å styrke frivilligheita.

– Vi bruker kvart år opp mot 14 millionar kroner på å vere til stades i Sogn og Fjordane, blant anna gjennom drifta av RS «Halfdan Grieg» og sjøredningskorpsa i Måløy, i Gulen og Solund. De siste to åra har vi hatt 350 redningsoppdrag, seier Lind.

Redningsselskapet ønsker å satse offensivt i Sogn og Fjordane, hevdar dei i pressemeldinga, og skriv vidare at kontoret i Florø vil "bestå med endra bemanning". Det vil bli oppretta eit nytt sommarkontor i Måløy, og det vil komme ein ny Elias-båt i Florø. Redningsselskapet vil også satse på kurstilbod, og sjå på etableringa av nytt sjøredningskorps i indre deler av Sogn og Fjordane.

– I dag har vi fått mange gode innspel til korleis vi kan auke beredskapen og den frivillege aktiviteten i fylket. No ser vi fram til det vidare arbeidet vi kan gjere saman for å auke beredskapen langs kysten i Sogn og Fjordane, seier Rikke Lind.

Artikkeltags

Kommentarer til denne saken