Først knuste nokon ei rute for å ta seg inn i bygget. Vel inne knuste dei ei dør. No ønskjer tenestadsleiar Wenke Hope seg hjelp frå publikum for å finne ut kven som gjorde innbrot på klubbhuset ved Florø stadion.

– Vi veit at alt var ok torsdag kveld, for då var det personar til stades og brukte bygget. Innbrotet og hærverket har skjedd i løpet av natt til fredag. Om nokon har sett aktivitet i området i dette tidsrommet, vil politiet gjerne ha tips om det, seier Hope til Firdaposten.

Det blei ikkje stole verdigjenstandar under innbrotet. Politiet har sikra seg spor på åstaden.