Startar opp att torskeyngel-produksjon

Halvard Hovland ved Havlandet Marin Yngel, med ein av "stamfedrene" til yngelen dei no set i gang med å produsere.

Halvard Hovland ved Havlandet Marin Yngel, med ein av "stamfedrene" til yngelen dei no set i gang med å produsere. Foto:

Av
Artikkelen er over 2 år gammel

Oppdrettstorsken rører på seg igjen, og Havlandet Marin Yngel i Florø går i gang med ein ny runde yngelproduksjon.

DEL

Havlandet Marin Yngel (HMY) skal igjen produsere torskeyngel for torskeoppdrettsnæringa. Det melder nettstaden kyst.no.

Det skjer samtidig med at den første slakteklare oppdrettstorsken blir sendt ut i marknaden på ti år. Det er nye og betre marknadsutsikter, samt ny teknologi som gir produsentane på Botnastranda ny tru på næringa, som dei la bort satsinga på i 2014.

Til kyst.no forklarar dagleg leiar i HMY, Halvard Hovland, at dei har teke vare på stamfisken i anlegget sidan produksjonsstoggen i 2014, og at dei såleis er klare for å levere yngel til torskeoppdrettarar i løpet av våren 2018.

Det er INC-Gruppen som er eigar av Havlandet Marin Yngel, og det har sidan oppstarten i 2000 blitt investert tresifra millionbeløp i å utvikle teknologi og produksjonsmåtar for oppdrett av torsk i framtida.

- Mange av eigenskapane hjå oppdrettstorsken er forbetra sidan oppstarten, og vi har lukkast med å skape eit husdyr på få generasjonar, seier HMY-sjef Hovland til kyst.no.

Hovland strekar likevel under at det er ein liten marknad som no rører på seg att.

Artikkeltags