Reksta viser ansikt

På denne veggen heng hyttefolk og utflytte rekstingar saman med dei fastbuande. Felles for dei er at dei gjerne stiller opp for øya som på ulikt vis er ein del av dei alle.

På denne veggen heng hyttefolk og utflytte rekstingar saman med dei fastbuande. Felles for dei er at dei gjerne stiller opp for øya som på ulikt vis er ein del av dei alle. Foto:

Artikkelen er over 2 år gammel

ROGNALDSVÅG: Ei kjapp maihelg i fjor vart alle som var på Reksta festa til film. Smilet fotografen fekk, ønsker no øyas gjestar velkommen frå vegger og tank.

DEL

Det var Kim Reksten Grønneberg frå Oslo som sette det heile i gong. Grønneberg si mor Ragnhild kjem frå øya, og han har kvart år besøkt mormora Svanhild Reksten gjennom oppveksten.

Hyller samhaldet

– Formålet med det heile er å vise fram folket som bur på Reksta, og hylle samhaldet på øya, seier han.

Og det var ikkje vanskeleg å få folk til å stille opp på bilda. I forkant hadde han sendt ut invitasjon via grendelaget.

– Vi var også heime hos folk som ikkje kom seg på butikken for å ta bilde, smiler han.

107 personar vart foreviga – noko fleire enn dei som bur fast på øya. Nokre få ønskte ikkje delta, og nokre var sjølvsagt bortreiste eller på jobb.

– Eg har eigentleg aldri fått eit faktisk tal på kor mange som bur her. Men det er også med ein del hyttefolk og slekt som var her på besøk akkurat då – alle har ei viss tilknyting til øya.

Slik ser det ut i Rognaldsvåg. Det var eit poeng å få hengt opp portretta tettast mogleg på Rek i Land-helga, slik at folk får sjå bileta då (og det er kommande helg).

Slik ser det ut i Rognaldsvåg. Det var eit poeng å få hengt opp portretta tettast mogleg på Rek i Land-helga, slik at folk får sjå bileta då (og det er kommande helg). Foto:

Grønneberg har vore tilbake eit par gongar for å få sett opp bilda, og i helga var vêret endeleg såpass at det gjekk an å få jobben gjort. Han fekk god hjelp frå mange hender, og det gjekk med mange liter tapetlim. Men bilda er av papir, og difor blir utstillinga høgst midlertidig i vinden og regnet på vestlandskysten.

Flyktig kunst

– Det er noko av det interessante – dette er ei er vêrhard øy. Folk kjem og fer og det same vil skje med dette prosjektet. Når dette blir gjort i store byar, kan det bli ståande i månadsvis, så vi er spente på korleis det blir her, seier Grønneberg.

Initiativtakar Kim Reksten Grønneberg (t.h.) saman med Andreas Reksten Steimler.

Initiativtakar Kim Reksten Grønneberg (t.h.) saman med Andreas Reksten Steimler. Foto:

Målsettinga var at bilda skulle opp så tett opp til Rek i Land på Reksta som mogleg, slik at flest mogleg får sjå bilda.

Ein varmare velkomst til Rognaldsvåg har du aldri fått.

INSIDEOUT

Fotoprosjekt starta opp i 2011 av artisten JR der kven som helst kan delta for å gi si støtte til ein idé eller dele sine erfaringar

I 2013 lagde JR film om prosjektet

I april 2014 hadde over 200.000 menneske frå 112 land late seg fotografere i prosjektet

JR er anonym, og bilda er alltid utan kommentarar for at ein sjølv skal tolke det ein ser

Artikkeltags