Krev politisk behandling av Florø Radio

Sogn og Fjordane KrF fekk fleirtal for at forslaget om nedlegging av kystradiostasjonar langs kysten skal ha ei politisk behandling. Landsmøtet som gjekk av stabelen i helga, krev no at økonomiske omsyn ikkje skal gå framfor tryggleiken for dei som ferdast lands kysten.

Vedtaket er kom inn i ein resolusjon om distriktspolitikk etter eit samarbeid mellom Aust-Agder, Sogn og Fjordane og Finnmark, skriv KrF i ei pressemelding.

Mykje støy

Både i vårt eige fylke og i andre fylke har det komme sterke reaksjonar på nedlegginga av tre kystradiostasjonar. Florø radio har vore i drift sidan 1938 men Telenor varsla at stasjonen blir lagt ned frå 4. april.

Telenor grunngir nedleggingane med «operative gevinster og kostnadsbesarelser».

- Dette er paradoksalt når Telenor har konsesjonsplikt til å drive kystradiotenesta og får statlege tilskot til dette, heiter det i landsmøtefråsegna.

Inga styrking

KrF fryktar at edlegginga av Florø radio betyr at ein mister lokalskunnskapen i denne viktige tenesta.

- Det er få som trur denne nedlegginga vil betre tryggleiken til sjøs. Vi kan ikkje akseptere at endringar i viktige tryggleikstiltak ikkje blir løfta i dei folkevalte fora, skriv sentrumspartiet.