Gå til sidens hovedinnhold

Skal planlegge heile Kystvegen

Artikkelen er over 5 år gammel

Planleggingsarbeidet skal gjerast i 2015 og 2016.

Statens vegvesen har fått i oppdrag frå Sogn og Fjordane fylkeskommune å gjere eit kartleggings- og planleggingsarbeid for den delen  av Kystvegen Bergen-Ålesund, som skal gå gjennom vårt eige fylke. Måndag var representantar frå dei aktuelle kommunane samla  i Førde for informasjonsutveksling.

- Vi har starta innsamlinga av informasjon og knytt kontrakt med kommunane og no startar vi planleggingsjobben i Gulen i sør og jobbar oss oppover, fortel Ann Kristin Nes, som er prosjekteigar. Sunnøve Stalheim i Statens vegvesen blir prosjektleiar og skal ha med seg ein fagperson til på fast basis. Elles blir det å hente inn råd frå fagfolk som geologar og landskapsarkitektar der det er naudsynt.

- Vi skal ende opp med ei anbefaling og eit kostnadsoverslag. For nokre delstrekningar ligg det føre utgreiingar og kostnadsoverslag, medan for andre område må vi starte frå grunnen av, fortel Nes.

- Men politisk blir det jobba for å gjere Kystvegen til riksveg?

- Ja, men vi held oss uansett til oppdraget frå fylkesko

mmunen og at dette er fylkesvegar.

Den nye ordføraren i Bremanger, Audun Åge Røys, var til stades med sine fagfolk på planlegging og rådmann Tom Joensen.

- Møtet var basert på ei orientering frå vegvesenet og ein del informasjonsutveksling frå kommunane si side. Det blir spennande å følgje dette vidare, seier ordførar Røys.

Kommentarer til denne saken