I samband med Florø sitt 150-årsjubileum byr Sogn og Fjordane symfoniorkester (SOFORK) på festkonsertar i Flora samfunnshus denne helga.
Her får ein oppleve symfonisk musikk av både Håvard Lothe og Eirik Molnes Husabø.
Under konsertane i helga får ein oppleve tre kjende Lothe- låtar i nye arrangement saman med SOFORK.
Eirik Molnes Husabø debuterer i helga som komponist for symfoniorkester i bestillingsverket Poem 150, sjølvaste jubileumssymfonien.
Elles blir det musikk frå tida når Florø var ung og fram til i dag. Det vert norske hovudverk som Griegs a-moll konsert, Sæverud sin kjempeviseslått og I einsomme stunde av Ole Bull.