5. august kjem Klassekampen sjøvegen til Florø med prosjektet sitt «Sommerbåten».
Avisa har sommarseglas med den tidlegare fiskebåten MK Erkna, og lagar ulike debattarrangement langs norgeskysten i sommar.
Dei kjem til kai i Florø sentrum laurdag 5. august klokka 14, og inviterer folk til å møte dei der.
På kvelden inviterer dei til valkampdebatt på Hjørnevikbua bub, med Sveinung Rotevatn (V), Ingrid Heggø (Ap) og Steinar Ness (Sp). Hovudtema for debatten er kommune- og regionreforma.
Debattleiar er Maria Dyrhol Sandvik frå Klassekampen. Ho jobba tidlegare som kommentator og debattjournalist i Bergens Tidende.
Arrangementet er ope for alle over 18 år, melder avisa.
Sommerbåten skal elles innom Kristiansund, Ålesund, Volda, Bergen, Odda, Valevåg, Haugesund, Stavanger og Kristiansand i løpet av august, før den endar opp i Arendal, under Arendalsuka.