Gå til sidens hovedinnhold

Kan miste eit årskull med jegerar

Artikkelen er over 1 år gammel

FLORØ: Ungdom som står klare for å ta jegerprøva går ei uviss tid i møte mange stadar i landet, Florø inkludert.

For abonnentar

Det årvisse kurset som utdannar nye jegerar til skogar og fjell, er utsett på ubestemt tid. Flora Jeger og Fiskerforening (FJFF) brukar vanlegvis seinvinteren og våren til å gjennomføre sitt årlege jegerprøvekurs, der jegerrekruttar gjennomgår eit 30 timars kurs og praktiske øvingar for å bli godkjende jegerar til hausten kjem.

Ofte venteliste

No er det i Florø, til liks med mange andre stadar heilt uvisst om det blir ein 2020-versjon av det svært så populære kurset, som har rundt 25 årlege plassar.

Les også

Knall og fall på første forsøk for Viljar (16)

- Kurset vårt, som etter planen skulle hatt oppstart 17. april, er no utsett på ubestemt tid på grunn av korona-situasjonen, melder kurshaldar Øyvind Nyvoll på FJFF sine nettsider.

Det betyr at det kan spøke for dei som trippar etter å få tatt denne utdanninga og kome i gang med jegerkarriera si.

Men enn så lenge er det framleis eit håp, strekar Nyvoll under.

Framleis håp

- Vi har eit håp om å få gjennomført kurset innan september, som er starttidspunkt for mykje av norsk jakt, men vi kan førebels ikkje seie noko sikkert om og når, legg han til.

Å måtte vente eit år er sjølvsagt kjedeleg for dei som har bestemt seg for å bli jegerar. Men også jakta som aktivitet og forvaltningverktøy for viltbestandane våre blir lidande. Norsk jakt slit nemleg med forgubbing og treng årleg påfyll av nye, yngre menn og kvinner. Ikkje minst gjeld det for hjortejakta, der talet på fellingsløyve aukar jamt og trutt nesten kvart einaste år, for å halde ein stadig veksande viltbestand i sjakk.

Kommentarer til denne saken