Gå til sidens hovedinnhold

I helga skal Florø lage festival for første gong på snart to år. Dette seier smittevern-overlegen

Klokka 16 fredag sparkast mat og drikke-festivalen Godt i Gapet i gang. Smittevernoverlege Kjell-Arne Nordgård er tydeleg på kvar den største smittefaren ligg.

For abonnentar

Det er kanskje eit paradoks i seg sjølv: Etter meir enn eit og eit halvt år med koronarestriksjonar, smittevern, nedstengingstiltak, avlyste kulturarrangement og storstila vaksinasjonsprosjekt, så kjem den første store festivalen i Florø by på det tidspunktet vi har høgast smittetal i heile koronatida.

Det betyr likevel ikkje noko krav eller råd om avlysing, seier smittevernoverlege Kjell-Arne Nordgård.

Det blir festival, trass smitteutbrot

– Godt i Gapet går sin gang. Festivalen blir organisert og gjennomført i tråd med dei nasjonale retningslinjene. Likevel er det verd å kome med ei ekstra påminning til folk før dei tek turen ut i gatene og på uteplassar for å kose seg, slår han fast.

Nordgård trur ikkje den største smittefaren er knytt til å delta på utandørsdelen av matfesten, som i all hovudsak skjer i Strandgata.

– Om ein overheld vanlege smittevernstiltak her, så går det bra. All statistikk viser at vi på dette tidspunktet i pandemien smittar kvarandre mest i heimar, og under private samlingar og festar i heimane. Det bør folk ha i mente når dei planlegg aktivitetane sine denne helga, seier Nordgård til Firdaposten.

Dropp heimefesten

Med andre ord kan det vere lurt å droppe det planlagte vorspielet heime, og heller ta turen ut i gatene i godveret tidlegare.

– Vi har ein del smitte i kommunen no, og vi har ikkje den fulle oversikta. Vi forventar fleire positive prøvar knytt opp mot arrangementet i Eikefjord sist helg, det må vi ha med oss i vurderingane vi gjer, seier legen.

Kommentarer til denne saken