Fleire bygder utan straum: – Veit ikkje når kundane får straumen tilbake

Nær 270 er utan straum i Nordfjord, melder NRK Vestland.

Det er to straumbrot som gjer at fleire bygder nord i gamle Vågsøy er utan straum.

Linja melder at dei har funne feilen som gjer at 117 kundar på Kvalheim er utan straum. I skrivande stund leitar dei framleis etter feilen i Saltkjel der 151 kundar er utan straum.

Dei melder også om at det er driftsforstyrring på Husevågøy, der 88 kundar er råka.

– Feil mellom Husevågøy og Gangsøy. PÅ grunn av uvêret blir dette ikkje reparert før tidlegast i morgon, torsdag, skriv Linja på sine nettsider.

På Kvalheim og i Saltkjel ser det ut til at straumen er tilbake ved 15.30-tida onsdag ettermiddag, men det er 14 kundar som manglar straum i Refvika. Her er feilen lokalisert, montør er på staden, og straumen snart venta tilbake.

Straumen er også borte for 74 husstandar i Leirgulen i Bremanger. Her er feilen funnen, og feilretting i gang. Straumen er venta tilbake klokka 17.30.

For heilt oppdatert status: Sjekk Linja sine eigne sider.