Gå til sidens hovedinnhold

Få ferieplanar uroar reiselivsnæringa

Berre fire av hundre nordmenn planlegg å overnatte på hotell eller pensjonat i sommar, viser ei undersøking. Situasjonen er ekstrem, seier NHO Reiseliv.

For abonnentar

Undersøkinga Ipsos har utført blant 900 tilfeldig utvalde personar for Børsen og Dagbladet viser at berre eit fåtal nordmenn planlegg hotellovernattingar denne sommaren. Tre av ti planlegg å bli heime.

Desse tala er endå meir dramatiske enn det vi har sett tidlegare i vår. Det viser berre igjen kor ekstrem situasjonen held fram med å vere for reiselivet, seier administrerande direktør Kristin Krohn Devold i NHO Reiseliv til Børsen.

Ei tidlegare undersøking frå NHO Reiseliv viser at 11 prosent av nordmenn planla ein sommarferie i Noreg med hotell- eller pensjonatovernatting.

– Når konferansemarknaden er borte, utlendingane er borte, og nordmenn heller ikkje kjem, då er det ekstremt dramatisk, seier Devold.

Ein av seks svarte at dei dreg på hytta i sommar. Like mange vil på tur med telt eller gå frå hytte til hytte i fjellet. Ein av ti planlegg å besøkje familie eller venner i Noreg, medan 12 prosent vil ha ferie i båt, bubil eller campingvogn.

(©NPK)

Kommentarer til denne saken