Oddane set ekstra spiss på Rockweekend

Helen Tjelle "Odd-dotter" Leinebø og Odd Nordstoga spelar på Rockweekend.

Helen Tjelle "Odd-dotter" Leinebø og Odd Nordstoga spelar på Rockweekend. Foto:

Artikkelen er over 1 år gammel

Han Odd Norstoga kjem. Men det gjer også musikardotter til ein annan kjend Odd frå Bremanger, Helena Tjelle Leinebø.

DEL

Julekampanje for Rockeweekend 2018. Helena Tjelle Leinebø er dotter til professor Odd Magne Bakke, ein framifrå fotballspelar i ungdommen og son til Bremanger-gründer Peder Bakke. Ho lagar eigen musikk i grenselandet mellom viser, pop, jazz og soul. Ho skal varme opp for Sternekamp-vinnaren Adam Douglas på fredag 13. juli.

Laurdagen vil veggane på gode gamle Havly truleg både skjelve og slå kryl på seg når supergitaristen frå Florø, Terje Kjørlaug,  drar i gang tunge og fiffige riff med Hayseed og ungfolane frå Dorset i England, Rufus Black, drar i gang sin funky bluesrock. Som i Hayseed, er gitaristen i bandet ein sentral del av kapitalen. Scott McKeon har mellom anna spelt med Joe Bonamassa og Van Morrison!

Gjengen bak rockweekend i Iglandsvik Bremanger:   Norvall Klungresæter (har fått permisjon frå RW 2018) , Nina Grotle, Roger Igland og Hilde Gretha Hauge. I lag med Mary Jane Varpe er dei garantistane for at Rockweekend kvar sommar er eit av høgdepunkta i bygda. Foto: privat

Gjengen bak rockweekend i Iglandsvik Bremanger: Norvall Klungresæter (har fått permisjon frå RW 2018) , Nina Grotle, Roger Igland og Hilde Gretha Hauge. I lag med Mary Jane Varpe er dei garantistane for at Rockweekend kvar sommar er eit av høgdepunkta i bygda. Foto: privat

- No har vi fått sett saman eit kjempeprogram for festivalen neste sommar og har lagt ut billettar for sal allereie. No køyrer vi ein julekampanje med nedsette prisar på festivalpass.

- Med desse bookingane så begynner budsjettet for festivalen å bli ganske stort?

- Ja, vi kjenner litt på det og håpar at folk set av tid til ei kjempemessig kulturhelg i sommar.

Eit festivalpass til Rockweekend må vere den ultimate julepresangen til den som har "alt" !

Roger Igland

Store-Odden toppar årets kransekake under Rockweekend på søndagskonserten i storhallen på Hauge. Odd Nordstoga har spelt i Bremanger fleire gonger og allereie i den tida han var student i Bergen. Då med bandet Something Odd. Seinare har Odd Nordstoga utvikla seg til å bli ein stor musikar og låtskrivar og teke posisjon som vår store "nasjonalskald".

Roger Igland i Musikk Kafé  har med seg Mary Jane Varpe, Hilde Hauge og Nina Grotle som arrangørar. Denne sommaren er Norvall Klungresæter innfridd eit friår frå arrangementet. I tillegg er det mange andre dugnadshjelparar som stør til med å lage kulturelle fulltreffarar. Den aller mest kjende er vel den magiske strandkonserten i Vetvika med Tupelo.

I tillegg til artistane i det offisielle programmet blir festivalen krydra med jam,. strandkonsertar og truleg også i år - ein minifestival i festivalen, "Tunarock". I løa på garden til Igland har ein vennegjeng av Bremanger-musikarar spelt konsert fleire år på rad. For mange er dette rosinen i pølsa, men det er ikkje del av den offisielle festivalen. Men det demonstrerer kreativiteten og styrken i musikarmiljøet i Bremanger.   

Artikkeltags