FIRDA: Onsdag kveld køyrde ein bil i fjellveggen i mellom ulykka på rv. 5 mellom Førde og Naustdal klokka 2115.

– Det er mistanke om promillekøyring, seier operasjonsleiar Steinar Hausvik i politiet om årsaka til ulykka.

Han fortel at føraren både lukta alkohol og stod fram som rusa for politiet som var på staden.

I tillegg viste det seg at føraren heller ikkje hadde lov til å køyre bil i det heile.

Fleire lovbrot

– Han blei køyrd på sjukehuset for sjekk og for å ta blodprøver, seier Hausvik.

Politiet på staden oppdaga også at mannen køyrde utan gyldig førarkort.

Hausvik fortel at det var ein mann i tjueåra som køyrde bilen.

Ifølge politiet var det berre ein person i bilen.

– Dette kunne ført til store skadar for tredjepart, seier Hausvik om skadepotensialet.

Store skadar

Augevitne på staden fortalde onsdag om store materielle skadar på bilen som small i fjellveggen.

– Då vi køyrde forbi såg eg at bilen hadde fått ganske hard medfart på bakdøra på sjåførsida, seier han.

Både ambulanse, politi og brannvesen rykte ut til ulykka.

Føraren av bilen var ifølge politiet vaken og medviten då dei kom til. Begge airbagane blei ifølge politiet utløyste i ulukka.