Florø med ny storsiger
Rundspelte Stryn og avanserte til 4. plass plass på tabellen
Sjølv om Brann-kampen under to døger tidlegare nok hang i beina, hadde Florø særs små problem å sende Stryn poenglause heim igjen til Nordfjord. 4-0 blei det til slutt, og det var ikkje eit mål for mykje.
Rokerte
Trenar Terje Rognsø bytta litt på laget samanlikna med det som starta mot Brann for to dagar sidan. Anders Sørensen, Simen Hamre, Kristoffer Sigdestad og Stian Tansø erstatta Aksel Knapstad, John-Felipe Holmgren, Peter Aase og Kristoffer Ryland.
Florø festa grepet frå start av, og lot ikkje tannlause gjestar få sleppe til med stort. Det gjekk likevel ein halv omgang før det første målet kom. Eit frispark blei løfta inn i feltet, Runar Hove vann luftduellen og stanga Florø til ei fullt fortent leiing. Tre minuttar seinare kom mål nummer to, og også denne gongen kom det etter ein dødball. Stian Tansø knuste konkurrentane i luftrommet og heada inn den presise cornaren frå Christer Husa. 2-0 blei også pauseresultatet.
Defensiv kontroll
Florø heldt fram med dominansen i andre omgang. Det gjekk berre fem minuttar før Kristoffer Book avgjorde kampen med si 7. scoring for sesongen.
Lagkaptein Andre Reksten er ikkje av dei brukar å komme på scoringslista, men etter ein dryg time ville han være med på festen. Midtstopparen vann ballen på eigen halvdel, avanserte framover på bana, spelte vegg med Tansø og runda keeper før han enkelt kunne trille ballen inn i det tomme buret.
- Eg scora eit par mål i treningskampane i vinter, men i serien trur eg det må være to sesongar sidan så dette var på tide, sa han nøgd etter kampen.
Fleire mål blei det ikkje i oppgjeret, trass fleire gedigne sjansar for dei blåsvarte. Florø tok tidvis fram champagnefotballen, medan Stryn knapt nok kom til ein kvalifisert målsjanse.
Årsbeste
Florø heldt nullen for første gong i serien denne sesongen, og har scora minst fire mål i fire seriekampar på rad.
- Defensivt var nok dette årsbeste, vi hadde jamt over full kontroll. Bortsett frå ein periode mot slutten av første omgang då vi rota ein del hadde vi god struktur i laget. Men vi merkar at Brann-kampen framleis heng litt i beina, så det kjem vel med at det er nokre dagar til neste kamp, sa Reksten vidare.
Neste kamp går mot serieleiar Førde 16. mai.Sunnfjord-rivalen dokumenterte at dei verkeleg har funne scoringsforma ved å vinne heile 8-0 borte mot Bergen Nord i dag.
Resultat frå dagens serierunde i 3. div avd. 08
Voss - Sotra 2-1
Radøy/ anger - Vik 3-3
Bergen Nord - Førde 0-8
Eid - Tornado Måløy 1-1
Årdal - Øystese 3-2
Førde toppar tabellen med 12 poeng og heile 16 plussmål. Voss og Årdal står også med 12 poeng, medan Florø ligg to poeng bak på ein 4. plass.
Omtalte lag og spillere
Spillere:
- Stian Tansø
- , Anders Sørensen
- , Anders Sørensen
- , Anders M. Sørensen
- , Andreas Sørensen
- , Anders Jørgensen
- , Simen Hamre
- , Kristoffer Sigdestad
- , Stian Tansøy
- , Aksel Knapstad
- , John-Felipe Holmgren
- , Peter Aase
- , Petter Aase
- , Petter Aasen
- , Kristoffer Ryland
- , Kristoffer Søyland
- , Runar Hove
Lag:
Personer:
An exception has occurred:
Unhandled Exception (500:class javax.el.PropertyNotFoundException)Server Error
ocurred while accessing:/componada/component/show-esi/normal/football/magic/www.firdaposten.no/53/6056291/2012-05-12T18:46:51Z(servlet: componada)
javax.el.BeanELResolver.getBeanProperty(BeanELResolver.java:664) javax.el.BeanELResolver.getValue(BeanELResolver.java:293) javax.el.CompositeELResolver.getValue(CompositeELResolver.java:188) com.sun.el.parser.AstValue.getValue(AstValue.java:120) com.sun.el.parser.AstValue.getValue(AstValue.java:167)
|
|
Utskriften er kun til privat bruk og kan ikke benyttes på annen måte.
Kopiering eller spredning av innholdet krever avtale med rettighetshaver eller Kopinor.
