Florø Fotball gutter 14 deltok i eliteturnering for dei 16 beste G14-laga på nordvestlandet førre helg. Turneringa gjekk føre seg i Kristiansund.

Laget tok ein flott tredje plass under denne turneringa, der dei slo ut Clausenengen i kvartfinalen etter ekstraomganger og straffekonkurranse. Og i bronsefinalen slo laget Byåsen frå Trondheim 3-0.

- Ein tredjeplass var litt over det vi hadde venta, men det var vel fortent. Vi var blant dei tre beste laga heile turneringa, seier trenar Steinar Hopen og understrekar:

- Resultatet seier noko om nivået vi er på for tida. I aldersbestemt fotball er vi med heilt der oppe. Det har dei andre laga i Florø fotball vist eit par år no. Og det bronsen viser er at det kjem gode lag bak også, seier han.