Den gjekk av stabelen i Dale i Sunnfjord laurdag og søndag. Dei beste laga frå dei fem ulike kvalifiseringane rundt om i fylket skal spele om krinsmeister-tittelen under sluttspelet i Florø idrettssenter 3. og 4. mars.

I helga kvalifiserte gutelaget og smågutelaget seg, i tillegg til juniorlaget og junior damer. I alt har Florø elleve lag vidare til sluttspelet i Florø, i alle seks klassane. Men jentelaget rauk ut søndag, og gjekk difor ikkje vidare.

– Sånn som kvalifiseringa vart lagt opp var det optimalt for oss. Og vi kan ikkje klage. Men det er sluttspelet som betyr noko. Vi har ein moglegheit i alle klassane vi stiller lag i, men kor sannsynleg det er at vi vinn det vil eg ikkje inn på, seier Terje Rognsø i Florø sportsklubb og understrekar:

– Men vi har gjort det bra i KM dei siste åra. Det er uansett kjekt at vi har mange eigne lag med når vi skal arrangere sluttspelet i Florø.