Fire spelarar frå Sogn og Fjordane er tekne ut til ei regionsamling for Rogaland, Hordaland og Sogn og Fjordane denne helga. Og klubbarbeidet på dei aldersbestemte nivåa viste tydeleg kva klubb som har lukkast best med å utvikle lokale talent i fylket.

Tre frå FSK

For av dei fire spelarane kretsen skulle plukke ut var heile tre spelarar ifrå Florø Sportsklubb. Desse er Stefan og Peter Aase (95) og Simen Halvorsen (96). Den fjerde er Torbjørn Aabrekk (94) frå Eid.

- Dei beste

– Grunnen til at desse fire spelarane er tekne ut er at dei er dei beste. Kor dei kjem ifrå har ikkje hatt noko innverknad på valet. Det at Florø kan stille med tre av fire er resultat av godt klubbarbeid, seier spelarutviklar i Sogn og Fjordane Fotballkrets, Jan Ravnestad.

Han fortel han har komme til desse fire spelarane i samarbeid med kretstrenarane i fylket.

Testing

Denne regionsamlinga inneheld treningar og kampar der spelarane også skal testast. Dei vil drive med videoanalyse og det er lagt inn nokre teoretiske sekvensar. Regionsamlinga er i Vestlandshallen kommande helg.