I nest siste kamp før sesongslutt tapte Florø SK 5-1 mot Stryn på heimebane. Dei er likevel sikra andreplass på tabellen.

Mange møtte opp for å følge FSK sin siste heimekamp før ferien, og gjekk skuffa heim att. Det var ikkje det at Florø SK spelte dårleg, dei var offensive og skapte mange gode sjansar. Men dei var ikkje gode nok når det gjaldt; føre mål. Eivind Nybakk fekk ein ball i mål etter sytten minutt, så var det slutt på festen.

For første gang på fleire år har Florø Sportsklubb spela ein sesong som trenaren er godt nøgd med, og ligg no trygt på andreplass i divisjonen, etter Førde. Stryn ligg på sjuande plass og har overraska negativt i vårsesongen, i følgje Hovland, med å gjere det dårligare enn mange forventa. Men i Florø viste dei at dei er eit topplag.

Etter tretti minutt utligna Stryn då Asbjørn Tenden skåra. FSK hadde overtaket fram til pause, med fleire gode sjansar. Så kom andre omgang. Stryn tok leiinga etter fem minutt, for å skåre på ny sju minutt seinare.

Ein skadd midtstoppar Torstein Strømsøy var ikkje med, Sigurd Hjorthol sat på tribuna med punktert lunge. Torstein Grytten, som vanlegvis er effektiv spiss med god fysikk sat forkjøla på sidelinja. Han kom inn i andre omgang, men då såg det ut til å vere for seint.

Florøspelarane gjekk av bana med senka hovuder.

Onsdag er siste sjanse for spelarane til å rette opp sjølvfølelsen før ferien. Då spelar Florø mot Fjøra i Sogndal.