Florø Fotball junior 19 kjempa seg til kvartfinalen etter 4-0 mot Molde heime på laurdag. No er kvartfinalane trekt og Florø fekk heimekamp og skal møte finalist i fjor, og førehandsfavoritt til å vinne cupen i år, Brann.

- Vi kunne kanskje tenkt oss ein lettare motstandar enn akkurat Brann, men dette liker vi. Vi får brynt oss mot eit skikkeleg godt lag og vi fekk heimekamp. Dette blir nok ein fest på Florø stadion, slår trenar Terje Rognsø fast.

Brann favorittar

Laget florøjuniorane møter er nærast identisk med det som spelte seg til finalen i fjor, så utfordringa er stor for heimelaget. Helge Nilsen er trenar for Brann-juniorane og seier til brann.no at han lar seg imponere av Florø.

- Det er imponerande at Florø med sine ressursar klarar å få fram så mange gode og unge fotballspelarar, sier Nilsen.

Han trur det blir ei tøff kamp på bortebane, men han forventar at Brann skal vere det sterkaste laget om konsentrasjonen er god nok. brann.no rekar også Brann som favoritt då dei spelte seg til finalen i fjor.

Lysproblem

Ei ulempe i kampoppsettet er at det mest truleg blir ein kveldskamp. Om kampen går slik dei no reknar med, klokka 18.00 torsdag, vil eventuelle ekstraomgangar by på utfordringar knytt til lyset. Orkanen "Dagmar" flata som kjent masta som stod i det sørvestre hjørnet på stadion. Flomlyset på Florø Stadion har heller ikkje fungert optimalt, også i tida før stormen.

- Eg trur det vil gå bra, men dette må vi i alle høve sjekke ut før neste torsdag, seier Rognsø.