Kristi Strømmen Kjerpeset (14) deltok denne veka i Världsungdomsspelen i Gøteborg. Der vart ho best i hekkeløp.
FTIF-nestor Rune Osa fortel at Kristi hadde eit veldig hektisk konkurranseprogram med tre øvingar med svært kort tid i mellom.
- Ho vann 80m hekk med tida 11,60 og på 300 meter hekk sette ho norsk rekord med tida 44.30, fortel Osa.
I sistnemnde øving deltok ho i 15-årsklassa og kom på femteplass totalt sett.
I lengdekonkurransen, som kom rett etter løpet på 300m hekk, klaffa det ikkje tilløpet for den lovande Florø-jenta. Ho var trøytt etter løpsøvingane og det resulterte i berre eit gyldig hopp på 5.09. Det heldt til ein 10.plass.