Brage Naustdal (2002), William Stenevik (1998), Eirik Valvik og Elise Isolde Stenevik (begge frå 99-årgangen) har vore deltakarar på fotballtalentleiren Valencia Camp som blir avslutta fredag.

Der har dei fått kunnig rettleiing av fem trenarar frå den spanske toppklubben Valencia, som blir rekna som ei av verdas beste på spelarutvikling. Treningane har hatt utgangspunkt i Valencia og spansk spelestil. Og elevane har fått ein smakebit på korleis jamaldrane spanske gutar og jenter trener og utviklar tekniske og taktiske ferdigheiter.

Varden Idrettspark i Bergen har vore arena for talentene, i alderen 10-16 år, under heile denne veka.

Alle spelarane på Campen blir nøye vurdert og får individuell tilbakemelding om nivået sitt og utviklingspotensialet.

Om dei spanske trenarane ser spelarar dei meiner har spesielle talent og potensiale, vil dei bli inviterte til ei vekes prøvespel i Valencia - alt betalt av klubben.

TV2 har hatt reportasje frå Valencia Camp med blant anna florøjenta Elise Isolde Stenevik og den tidlegare brannspelaren David Nielsen, som er kontaktperson for arrangementet i Norge.