Då kjem 400 tilreisande til kystbyen for å vere på det største arrangementet i landet blant seglarar mellom 11 og 20 år.

Det er utelukkande seglarar som bur på Comfort og Quality Hotel i Florø i helga, noko som vil merkast i byen.

Reint sportsleg har ikkje Florø Seilforening dei største sjansane til å nå opp i samandraget. Men ti av dei om lag 150 seglarane kan seie dei konkurrerer på heimebane laurdag og søndag.

– Det er klart at økonomisk er eit slikt arrangement motiverande. Og vi treng også jamleg konkurransar for å halde oss skjerpa som arrangør, seier regattasjef Frode Stavang.

– Vi er om lag 50 funksjonærar, og det er litt mindre enn det vi har vore vande med, seier leiar i Florø Seilforening, Ivar Presttun. Men det er på ingen måte krise for arrangøren.

– Frå Furuholmen, Prata eller Sørstrand kan du sjå konkurransane frå land. Dette er litt særeigent for Florø, seier Presttun.