- Publikum kan avgjere utfallet
Det er fem kampar igjen av sesongen, og Florø SK er mot alle odds i posisjon til å halde seg i divisjonen.
Florø Sportsklubb har overraska positivt med attraktiv fotball og blendande teknikk denne sesongen.
No har dei tre heimekampar igjen og håpar på god støtte frå heimepublikummet.
– Då vi spelte mot Fjøra heime, merka vi støtta frå tribunen. Publikum gjorde at vi klarte å heve oss i andre omgangen, vedgår Thor-Henning Brandsøy.
– Det er slik vi ser det fire lag som slåst om femte- og sjetteplass, som etter divisjonsomlegginga er sikre plassar, seier Martin Solheim-Olsen. Utanom Florø SK gjeld dette Dale som ligg på plassen føre FSK, Sogndal 2 og Fjøra.
Bruntrøyene har igjen Sogndal 2, Stryn og Årdal heime.
– Slik vi opplever det kan publikum påverke positivt i dei siste heimekampane våre, og no er vi så nær at vi treng all den hjelpa vi kan få, seier Stefan Aase, G15-landslagsspelaren.
Mest lese no
|
|
Utskriften er kun til privat bruk og kan ikke benyttes på annen måte.
Kopiering eller spredning av innholdet krever avtale med rettighetshaver eller Kopinor.
