Onsdag 14. juli, under noregsmeisterskapen i pistolskyting skaut Joleik seg til 94 poeng i øving Revolver. Dermed stakk han av med bronsemedaljen og kunne stige opp på pallen for femte året på rad.

– Det er artig, bevares meg vel. Kjempegreier. Å komme på pallen er det vi skyttarar strevar for, seier Joleik.

For bak tredjeplassen ligg det trening, trening og atter trening.

– Det går nok altfor mykje tid til skytetrening. Det er tett i toppen, og skal ein vere med det må ein trene seint og tidleg, seier han og understrekar:

– Det har kanskje gått ut over tida med sambuaren min. Men ho er med og støttar, så ein god del av medaljen er hennar forteneste, seier Joleik.

Den dagen han sikra bronsemedaljen var vêret nokolunde føreseieleg på skytebana på Sandnes. Det var ikkje tilfellet på laurdagen, under skytinga med grov pistol. Då vart kulene hans teken av dei plutselege, sterke vindkulene.

– Eg låg godt an ei god stund, men utover dagen vart vêret forferdeleg. Vindkulene gjorde at eg tapte 10 poeng og enda på åttande plass, seier Joleik som ikkje er vidare skuffa over plasseringa.

– Ein god middag og noko godt om kvelden er ein ovanpå att, og ser lyst fram til neste NM, seier eikefjordingen.