Florø Innebandyklubb sitt gutelag skal onsdag møte Førde i Florahallen til sesongens siste seriekamp. Alle dei andre er fullført med solide sigrar, inkludert lørdagens i Måløy.

Etter ein treg start, med kun eitt Måløy-mål i 1. periode, tok Florø-gutane fram finspelet og vann dei to siste periodane med til saman 10-0.

Florø stilte med dette laget (poeng i parantes):

Bendik Andersen - Eirik Årøen (3), Henning Alræk, Simon Hansen (2), Sondre Årøen (1), Daniel Olsen (2), Christian Olsen, Knut Lote (2), Henning Hopen (5), Daniel Standal (1).

Herrelaget til FIK gjorde seg ferdig med seriesesongen i Måløy laurdag. Sigeren 19-2 fortel at det vart total Florø-dominans mot laget frå sildebyen i nord.

Og mest gledeleg; mange av måla kom etter gode oppbygde angrep.

Laget til Florø Innebandyklubb i Måløy (poeng i parentes):

Bendik Andersen (1) - Kristian Berentzen (2), Olav Leirvik, John Leirvik, Jørgen Svardal (1), Paul Henning Haugom - Stian Bøhmer (6), Jan Erlend Jansen - Eirik Årøen (3), Jan Tore Aldeholm (11), Kåre Toreid (2), Thomas Svardal.

Nettsida til FIK har nærare omtale av desse kampane.

Neste helg kan Florø bli dei første krinsmeistrane i innebandy i Sogn og Fjordane. Då skal seriens fem lag møtest og som vinnar av serien går FIK direkte til finalen.