Det såg lenge ut til at det ikkje skulle bli noko handballkamp søndag. Magnhildskaret var stengt, men skyssbåt til og frå Kjelkenes gjorde til at Eid kom seg fram til slutt og kampen vart avvikla, rett nok med eit par timar forseinking.

Eid starta godt med ei 0-2 leiing, men etter at den vart henta opp til 2-2 klarte aldri Nordfjordingane å ta leiing på nytt mot heimelaget. Kristian Kvellestad i Florømålet var noko av grunnen til det. Han trekte opp storspelet i periodar, og ei rekke 100 prosentredningar gjorde motstandarane frustrerte. Men i angrep fekk ikkje heimelaget heilt flyten. Det stod 12-9 til pause. Dei første ti minuttane av andre omgang vart det andre takter på angrepet og Florø byde seg opp ei solid leiing som skulle halde seg til Årdals-dommarane Torstein Kvam og Asbjørn Håre blåste av.

Florø ligg no på 5. plass på tabellen med like mange poeng som Bergen HK på tredje.

Neste søndag har FSK BSI heime og om 14 dagar er det Årstad som kjem til Florø.

KAMPFAKTA

3. divisjon Herrar region vest

Florø SK – Eid 28-20 (12-9)

Florø Idrettssenter

Dommarar: Asbjørn Håre og Torstein Kvam

Florø: Kristian Kvellestad, Kim Haukås (5), Hugo Hellesen (1), Lars Engen Skadal (3), Bjørn Wefring (1), Dag Frøyen (5), Ole Bernt Solheim, Pål Anders Bakke (7), Kristjan Breidfjord, Martin Andersen (5), Andreas Aven og Kristoffer Brandsøy (1).

2-minutt: Florø 3x2, eid 2x2

TABELL

1. Nornen II 22

2. Gloppen 20

3. Bergen HK 17

4. Årstad 17

5. Florø 17

6. Os 17

7. Gneist 14

8. BSI 13

9. Åsane II 8

10. Eid 5