Eivind Stavang var heime i helga for å delta på Norwell Leikane i friidrett i Florø Idrettssenter. Då hadde han eit hinder han ville ha rydda av vegen.

– Eg må under sju sekund på 60 meter, fortalde han og hadde planen klar.

Reiv alt

60 meter hekk som brukar å vere den klare paradeøvinga for den beste korthekkløparen i landet. Men då det ikkje stemte over den første hekken, kom han fullstendig ut av rytmen.

Etter at han reiv alle dei fem hekkane i løpet var det ein uvanleg mutt Stavang som rusla tilbake til start.

– Nei dette var ikkje bra. Eg bomma på den første og då blir eg alt for lav resten av løpet. Den første hekken har eg i grunnen trøbla litt med i vinter, fortalde Stavang.

Men seinare i stemnet fekk han oppreisinga han hadde håpa på.

Endeleg

På formel-1 distansen under tak kjempa han seg inn i det celebre selskap av utøvarar som gjer unna distansen på under 7 sekund.

6.98 lyd den nye persen på og Stavang var strålande nøgd.

– Det er mykje meir sexy nede på 6-talet, fortalde ein glisande Stavang.