– Fy flate så herleg, jubla ein strålande Vukicevic då det gjekk opp for henne at ho nett hadde sett ny noregsrekord for andre gong under same stemne.

– Eg kjende det under løpet at det gjekk bra, og visste eg hadde det i meg; men er det muleg? No trur eg at eg berre blir betre og betre framover. No satsar eg alt på EM i Barcelona, legg ho til.

Men det er eitt eller anna med Christina Vukicevic og innandørsbana i Florø Idrettsenter. Kvar gong ho er her, set ho ny rekord. Til dømes vann ho NM første gong ho var her.

– Ja, så absolutt. Det er ei fantastisk bane, og dei klarer alltid lage eit stemne med toppkonkurrentar frå heile Europa.

Ei av dei som også hadde grunn til å vere nøgd var Folake Akinyemi. Trass i sjukdom den siste tida, tangerte ho VM-kravet på 60m med tida 7,37. Det er også sesongbeste.

– Det er bra at eg kan vise at eg er i god form etter sjukdomsperioden. Men eg håper sjølvsagt på betre tider framover.

Sjå komplett resultatliste her

Firdaposten kjem tilbake med meir frå Norway Indoor Florø i papirutgåva.