Under helgas UM i Friidrett, vart det medaljeras for Florøutøvarane. Når dei søndag kveld reiser heim att har dei med seg 13 medaljer.

-Vi er kjempefornøgd over innsatsen og medaljane, seier Rune Osa i Florø Turn og Idrettsforeining.

Med til saman 4 gull, 4 sølv og 5 bronsjemedaljar har Florøutøvarane nok ein gong vist kva dei er gode for. Frida Nord Føleide tok gull i både diskos og sleggje medan Øyvind Strømmen Kjerpeseth sette ny nasjonal aldersrekord og mesterskapsrekord i 300 meter hekk med tida 38.25. I tillegg tok Kjerpeseth bronsje og sette ny personleg rekord på 400 meter med tida 51.21.

-Dette utruleg bra, seier Osa vidare. -Vi held same nivå som i fjor, og dette er faktisk langt over forventing.

I tillegg til alle medaljene vart det ein del 4. og 5. plassar. -Desse er også viktige påpeikar Osa. Dei gjer poeng som er viktige for klubbtotalen.

Florø har fortsatt moglegheita til å ta enda ei medalje. Søndag ettermiddag stiller dei lag i 1000 meter stafett.

Medaljene:

Frida Nord Føleide

gull: diskos (32.10) og sleggje (45.16)

Øyvind Strømmen Kjerpeseth:

gull: 300 meter hekk (38.25)

sølv: lengde (6.44) og 110 meter hekk (14.84)

bronsje: 400 meter (51.21)

Yngve Grøneng Havn:

gull: kule (16.37)

bronsje: diskos (47.30)

Ann Merete Vågane:

sølv: diskos (28.81)

bronsje: sleggje (43)

Daniel Nekkøy Ullaland:

sølv: kule (13.86)

bronsje: diskos (43)

Synne Waage Jagedal

bronsje: lengde (4.99)