–Dette er første stemnet mitt for sesongen. Eg har rett og slett ikkje gidda å trene så mykje som eg har gjort tidlegare, seier trestegvinnar Helle Nybø Waage til Firdaposten.

Waage hoppa 11,17 meter, men var langt bak sin eigen personlege rekord på 11,75. Det heldt likevel til å klatre til topps i juniorklassa. Men Waage sin var berre ein av mange sterke Florø-presatsjonar.

Kleppe tok gull

Under tunge forhold tok Steinar Kleppe (19) som vanleg gull i sleggje. Han tok òg sølv i spyd og bronse i kule. Dei tolvårige tvillingane Runar og Erlend Ullaland Hove tok tredje- og femteplass i kule.

Frida Nordem Føleide (14) vann sleggje og diskos og vart nummer tre på 1500 meter. Daniel Ullaland Nekkøy (16) vann sleggje og vart nummer to i diskos, medan Øyvind Kjerpeset (16) vann 100 meter hekk og vart nummer to på 400 meter. Yngve Grøneng Havn (18) vann kule, medan ni år gamle Kristi Strømmen Kjerpeset vann 10-årsklassa i lenge og vart nummer tre på 60 meter.

–Lovar bra

Anne Merethe Vågane (17) vart nummer fire i sleggje, medan 11-åringen Sigurd Leikanger Feidje vann spyd og vart nummer seks på 600 meter. Kenneth Holmgren (15) og Vegard Brandsøy (17) vart nummer fire i spyd, og Gunnvor Leikanger Feidje (15) vart nr. seks i lengde.

Florø stilte med heile 31 utøvarar under Veidekkelekene, som er eitt av dei største ungdomsstemna i landet.

–Det ser ut til at vi hevdar oss heilt i toppen blant dei beste klubbane i landet. Dette lovar bra for resten av sesongen, seier Rune Osa til Firdaposten