Denne hadde faktisk gått meg hus forbi, men en konsertmelding i BT retta heldigvis opp det. Dette er ei drivande god utgjeving som i lyd og sjanger kan samanliknast med Neil Young, Wilco rundt ”A.M.” og ei rå utgåve av Hellbillies.

Sistnemnde kan verke naturleg av den grunn at det er Lars Håvard Haugen frå nettopp Hellbillies som har produsert Kristiansund/Oslo-bandets andre plate.

Ikkje det at dette nokon måte verkar påfallande, medlemmane med ei fortid i det meir countryinspirerte prosjektet Shit City ville nok ha drive i denne retninga uansett. Den sjølvtitulerte debuten frå i fjor la eit godt grunnlag for årets utgjeving.

Spennvidda er stor, frå opninga, den ”Down By The River”-liknande ”The Road Goes On”, longe sugande gitarutblåsingar som ”When The Lights Go Out” og ”Lights Up The River”, via countryinspirerte låtar som ”Are You Listening” og til reine balladar som ”To Build A Home” og ”These Times”. Variasjonen og dermed dynamikken i plata er særs god.

I den grad det er behov for nokon til å ta over stafettpinnen etter Madrugada, dette kan vere nettopp dei.

Trur faktisk dette er ei av dei beste norske utgjevingane i år!