Og her kjem frå Sandnes det siste skotet på den stadig oppegåande norske americana-scenen. Men det skulle ei nesten ikkje tru, dette høyrest ut som det kjem frå tjukkaste Midtvesten.

Olav og bandet har laga ei særs tradisjonell countryplate, både på godt og vondt. Det negative, om ein kan kalle det for det, er at det vanskeleg kan gjerast meir tradisjonelt enn dette. Du har høyrt dette før, både tekstar og lydbilete.

Men kva så, så lenge mannen skriv så sterke låtar, så lenge bandet leverer eit så glimrande komp med akustiske og elektriske gitarar, banjo, dobro, munnspel, steelgitarar, fele og trekkspel som bakteppe til Olavs gode røyst, så kan dette ikkje bli feil. Du blir rett og slett i godt humør av å høyre på dette.

Høgdepunkt: "You're The Only One" og "My Town".