Ved eit skipshoggeri i Danmark slutta soga om "Teaterbåten" MS Innvik. Båten bringa i si tid teaterglede til fjordbygdene i fylket. Foto: Tor Arne Aasen

Her vert teaterbåten historie

Blir til spikar.
Publisert 15.07.2014 kl 20:41 Oppdatert 16.07.2014 kl 09:30

Tips ein venn på e-post:



MS "Innvik" gav i si tid kultur, teater og glede til fjordbygdene på Vestlandet. No er det siste punktum i historia om teaterbåten.

– Den har hatt ei lang historie. Då eg jobba her på slutten av 90-talet fekk eg oppleve den i bruk. Den var eit fantastisk verktøy for å bringe teater til folk, seier Terje Lyngstad, teatersjef ved Sogn og Fjordane teater.

Først ute

MS "Innvik" starta karrieren si som bilferje, før den i 1982 vart ombygd til teaterbåt etter initiativ frå Sogn og Fjordane teater.

Båten skulle fungere som eit supplement og alternativ til kulturtilbodet i Sogn og Fjordane, Hordaland og Møre og Romsdal.

Opninga fann stad med brask og bram; sjølvaste Kong Olav deltok ved innviinga av teaterbåten i 1988.

Teaterbåten tøffa rundt med teaterglede til fjordbygdene på nordvestlandet heilt fram til 2001. Fleirfaldige oppsetjingar har funne stad på teaterscena, som hadde plass til 150–200 tilskodarar.

Til kai i Bjørvika

Båten var i drift på Vestlandet til 2001, då den vart kjøpt av Nordic Black Theatre i Oslo. Dei la båten til kai i Bjørvika i Oslo, der den fungerte som teater, serveringsstad og hotell.

I 2010 vart båten seld til nye eigarar på Nesodden, der den låg fram til båten sprang lekk og sokk i desember 2013.

Snipp, snapp, snute

Og no er eventyret slutt for teaterbåten MS "Innvik".

– Teaterbåten var verkeleg ein fantastisk idé; den gjorde ei flott oppgåve for kulturen. Vi skulle gjerne hatt noko slikt langs kysten vår i dag, seier Lyngstad.

Opphoggingsarbeidet av MS "Innvik" vart denne veka starta ved Jatob skipshoggeri i Danmark. Noko av båten går til attvinning, medan det resterande materialet vert kjeldesortert.

På forsiden nå


Dette var ein gong ein heim

Her er historia bak eitt av Florø sitt mest kontroversielle bygg i nyare tid.

For eiga rekning

Viva las Jul!