- Alarm-sentralen er allereie oppdatert
- Alarmsentralen i Sogn og Fjordane har allereie samlokalisert 110- og 112-sentralane. Vi kjenner oss trygge på at vi kan handtere større hendingar og ta vare på tryggleiken til innbyggarane våre.
Det seier leiar for Sogn og Fjordane Brannbefalslag og brannsjef i Flora, Magne Igland.
Til liks med mange andre reagerer han på prosessen som avdelingsdirektør Anne Rygh Pedersen og Direktoratet for sikkerheit og beredskap (DSB) har lagt opp til med sentralisering og flytting av 110-sentralen til Bergen.
- Det vi har fått er ikkje ei høyring, men berre informasjon om korleis det skal bli, meiner Igland.
Han viser til signala frå justisminister Grete Faremo er annleis. Ho understrekar at framlegget frå DSB berre er ei skisse.
Igland viser til at naudsentralen i Sogn og Fjordane, med unnatak av 113 AMK-sentralen, allereie er organisert rett og samlokalisert i det nye politihuset i Florø. Det er også teknisk tilrettelagt for det nye digitale naudnettet, TETRA.
110-sentralen i Florø er bemanna med minimum to personar døgnet rundt og det har enno ikkje vore hendingar i fylket som vi ikkje har kunna handtere på ein solid måte.
På forsiden nå
BILDE: Ein sommardag i mai
Firdaposten tok seg ei runde i byen for å sjå kva folk brukte det fantastiske vêret pinseaftan til.
Sjå bilete
|
|
Utskriften er kun til privat bruk og kan ikke benyttes på annen måte.
Kopiering eller spredning av innholdet krever avtale med rettighetshaver eller Kopinor.
