– Paintball er utruleg kjekt, ein skapar samhald på bana, får adrenalinkick medan ein spelar, og det er publikumsvennleg, seier Trond Furnes som er leiar for paintball-gruppa i Bremanger.

Laurdag skal dei ha paintball for alle som ønskjer å prøve og sjå kva det dreier seg om. Dei har leigd ballbingen ved Kalvåg skule, men bil bruke skogen om det byrjar å regne, eller er mykje vind.

– Vi har sett ei aldersgrense på 16 år for å vere med, er ein under aldersgrensa, må ein ha samtykke frå foreldre. Vi har hatt mange forskjellige grupper med oss, mellom anna to familiar som spelte mot kvarandre, og fedrar som speler mot sønane sine. Det finst alle slags mulege kombinasjonar, seier Furnes.

Tidlegare dreiv dei det så langt at dei deltok på NM.

– Frå nyttår startar vi opp å spele igjen etter ei stund med litt stille periode. Vi studerer og arbeider andre stader, så etter nyttår vil vi prøve å skape meir aktivitet. No håpar vi folk kjem og prøvar, eller berre for å sjå kva dette dreier seg om, seier Stian Haugland.