Dei aller fleste av oss har fleire feriemål for årets ferie.

Det kjem fram i ei undersøking utført av Ipsos MMI.

Heile tre av fire seier at dei skal tilbringe heile eller deler av ferien sin i Norge, medan 20 prosent ser føre seg ein ferie i Norden. 35 prosent skal på ferie i andre land i Europa, medan berre 10 prosent skal på ferie utanfor Europa.

- Mange tek ut meir enn tre veker sommarferie, og ønskjer å fylle ferien med ulike opplevingar. Sommarferien blir for mange ein kombinasjon av heimeferie, hytteferie og utanlandsferie, seier marknadsdirektør Tom Hansen i Ipsos MMI.

41 prosent av dei spurde opplyser at dei skal ha ferie heime i sommar, medan 55 prosent av dei ønskjer seg på hytta eller feriebustaden. 30 prosent skal på bilferie, medan 40 prosent skal besøkje familie og vener. Berre 12 prosent skal på charterferie.