Det stadfestar informasjonssjef Silje Brandvoll i Widerøe til Firdaposten.

- Men førebels har vi ikkje sett noko flyttedato. Det grunna fleire kontraktsmessige tilhøve vi må få klarleik i, understrekar ho.

Årsaka for flyttinga er den nye rutesituasjonen i Sogn og Fjordane. Florø lufthamn har no to Widerøefly som står i hangaren over natta.

- Så med tanke på at vi utfører mest vedlikehald om natta, finn vi at det mest effektive og praktiske er å flytte den tekniske basen til Florø der desse to flya står over natta, seier Brandvoll.

Kor mange teknikarar som kjem med på flyttelasset var derimot uklart seint måndag ettermiddag. Men Brandvoll understrekar samstundes at flyttinga fører til få endringar for teknikarane det gjeld.

- Teknikarane som arbeider på Bringeland, bur i Florø allereie, så Førde misser ingen bebuarar, seier ho.