Men først skal ei tverrfagleg gruppe finne ut kva bruk som kan vere aktuell. I tillegg skal rådmannen greie ut kva økonomiske konsekvensar eit kjøp av eigedommen vil få for drifta elles. Frist er sett til 4. september.

Eit framlegg frå Ap med desse hovudtrekka fekk støtte frå Høgre. Dermed vart det eit solid fleirtal for forslaget. Medan sju røysta for eit noko meir forsiktig forslag frå Venstre.

Ordførar Bengt Solheim-Olsen fekk både ris og ros for å ha teke seg vide fullmakter då han forhandla direkte med Helse Førde utan først å ha sikra seg eit klart mandat frå bystyret.

Det vart likevel langt mindre stormlaup mot ordføraren enn det enkelte kanskje hadde venta seg.

Det farga nok også behandlinga av saka i bystyret at Helse Førde-direktør Bolstad hadde synt overraskande stor vilje til å møte og innfri sentrale intensjonar i Samhandlingsforma for Flora i møtet med dei politiske gruppeleiarane i Florø sist fredag.