Soknepresten flytter, prestegjeldet nedlagt
Til avskjedsfesten i Davang fyrst i juni møtte folk frå Davik sokn tallrikt fram for å seie farvel til sokneprest Tommy Erdal med familie.
Etter snart 15 år i bygda seier dei ved neste månadskifte takk og farvel til Davik. Deretter stansar flyttelasset i Loddefjord ved Bergen, der ny teneste ventar. Med si tid i Davik er Erdal nokså nær gjennomsnittet for dei 19 prestane som gjennom åra har bestyrt soknet frå denne bygda i 272 år.
Nedskjering i bispedømet gjer at Bremanger kommune misser ein av tre prestar, soknepresten i Davik. Ved Erdal si flytting opphøyrer altså sokneprestembetet i Davik, som har eksistert frå 1740.
Gjennom denne tida har fire prestebustader vore reist. Den siste etter brannen i 1986. Framtida for den som no er i bruk er neppe heilt avklara. Sikkert er det at den ikkje får funksjon som residens for soknepresten.
Til avskjedsfesten i Davang møtte bygdefoket fram og delte bordets gleder der det vart servert rømmegraut. Fleire hadde ordet og takka for tenesta i prestegjeldet.
På forsiden nå
BILDE: Ein sommardag i mai
Firdaposten tok seg ei runde i byen for å sjå kva folk brukte det fantastiske vêret pinseaftan til.
Sjå bilete
|
|
Utskriften er kun til privat bruk og kan ikke benyttes på annen måte.
Kopiering eller spredning av innholdet krever avtale med rettighetshaver eller Kopinor.
